Penguntung Nanam Sawit
Posted by apai bujang on 15th September 2008 in General
Maioh udah dipeda bala kitai Iban di rumah panjai udah belabuh enggau org betanam ka sawit. Tang utai tu lalu bedau bisi nyadi ba menua Ulu Kota. Nama kabuah? Engka ketegal nadai meruan jalai. Iya ke manah agi pengawa besawit tu ditanam kediri empu, ukai ngena konsep JV. Penguntung endang pulai 100% ngagai org ke empu tanah. Ngarap ka pengawa besawit tu tau nyadi siti agi bidang pengawa bala ba rumah panjai ke nguan menua Ulu Kota dalam taun ti ka datai tu ila.
(gambar tu di ambi ba kebun sawit bala kaban ke udah enggau org berengkah nanam sawit)
tag this | permalink | trackback url | |
Sengapa Rembang | 15th September 2008 | Reply
Kebun Sawit Berdandang Mit (Smallholder)
Sigi manah agi nanam sawit kediri ari ke muka tanah diri empu bergulai enggau orang bukai secara joint venture (JV). Nama kebuah pia, laban penguntung iya mimit agi pulai ngagai sida ke ngempu tanah. Lebih-lebih agi enti bayar iya semina ngena komisen aja tauka percent ari jualan Fresh Fruit Bunch (FFB). Ngagai sida ke ka muka sawit kediri, tau enda ibuh muka besai amat enti nadai modal/pukok ke besai. Cukup enti ulih nanam dalam kandang 660 pun tauka 12 ekar enggau takah antara pun kira 30 kaki segitiga sama. Hasil ari 12 ekar tu enti diintu enggau manah, baja cukup enggau dan dipangkas enggau betul, kira udah manggai ba umur 30 bulan udah ditanam sigi ulih ngeluar ke hasil. Enti dah berumur 7 taun diintu enggau manah sigi nadai nanggul hasil ari 12 ekar nya ulih manggai ba 10 tan sebulan. Reti nya enti rega FFB dalam RM 450.00/tan sida ke bulih 10 tan bulih RM 4,500 sebulan. Dah cukup kena sida ke ba menua ulu din ngidup ke diri.
Ba Ulu Kota munyi ko nuan, enti ka muka sawit. Sigi mesti bisi jalai alun ke meruan, kilang kira enda ga jauh iga ari kebun kitai ngambi kos nyual buah ke kilang enda tinggi. Paling penting jalai alun laban FFB tu enda ulih disimpan lama, lalu hasil sawit pan ukai mimit tang sampai bertan-tan.
apai bujang | 19th September 2008 | Reply
Enti nyema munyi ke dipadah ka nuan nya ngal, kira ke nadai tentu penanggul meh enti nyema bala di rumah panjai din bisi ati deka enggau org betanam ke sawit. Nya meh kebuah beberat amat ka ngasuh menua tu datai jalai.
gasing anak bakum | 1st October 2008 | Reply
ALO, keh manah amat wed nuan tu , endul terkenang naggai , nasip bala apai indai aku enggau kami sebilik , tak ninggal menuanya suba ,,amat maju ulu kota nya,,, ka nyanyak aja ,ulu kot nie nya .. adakah ulu kota julau ke.. menua apai aku suba julau ulu kota..apai ia Baki.terima kasih amat aku naggai nuan bisi wed tu semak ga nigga bala semanad.bala dia.
apai bujang | 4th October 2008 | Reply
Tabi unggal gasing, menua tu ba ulu kota pakan julau. Pemansang menua bedau tentu nyengala endar, jalai agi bedau manah. enda tentu ulih tengah maia ujan. sapa nama tuai rumah ke endur apai nuan nya suba neh?
gaz | 5th October 2008 | Reply
alo, unggal pasal sebut aku arinya salah keh akie aku bakinya apai ya ka nangkat ka ia..akie aku ya ka amatnya akie JUGAL..MAKA bisi pesan pagi tadi pasal ulu kotanya nya pun asal ku bala apai ku meh..NAMA amat apai ku BAKUM ANAK BAKI.endul I.C ia . apai amat ia JUGAH.pasal tuai rumahnya enda aku nemu . bala indai ku enda uleh di contact unggal.menadi tuai ku pun pun enda berapa ingat laban ia agie mit kin suba.. . t,q nuan ka reply.