Pengawa ke ngintu ari pengada rumahdayak.com bisi diatur kena 11/10/2008 ba GCM Miri. Maioh amat bala datai,kelimpah raban ari miri, sida ari bintulu sibu enggau kuching bisi mega datai. Pengawa tu siti ari chara nyemak ka kaul begulai sejalai enggau pangan diri. Meri terima kasih ngagai Uchu Keling(big bos RD) ka udah bangat kiruh meri sukung, nulung bansa dayak ngaga siti endur kitai berforum, endur kitai ulih bejurai ka maioh macham pekara. Enti diguna enggau manah,utai tu tau amat meri penguntung kena nyikap diri kena nipak pemansang dunya kemaia hari tu. Ngarap ka rumahdayak.com ulih nyadi ka siti ari portal ka tau meri penguntung ngagai raban bansa dayak. Terima kasih Uchu Keling.

(Uchu Keling benung bejako maia ngintu anniversary rd.com)

(sekeda ari raban rumahdayak.com ke bisi datai. From L- R : Sengapa Rembang, Uchu Sanggul Labung, Manang Ula enggau Arrell)

Rusa tu siti ari bansa jelu ke nyau pupus ba menua Ulu Kota. Tak enda kala aku ninga org bulih rusa sekumbang aku udah ada ba menua tu. Tengahari tu tadi nguji ka resepi salai rusa gulai buah terung .

Lelak berunding ka pemansang dunya? Aram meh nurun nginti. Bulih tauka enda bulih kira ke cerita dudi,janji meh nurun nginti. Pengawa nginti tu siti ari pengawa ka tau ngasuh rindang lalu muai ngelu pala berunding ka pengawa ba endur gawa lalu mega ulih ngelantang ke ati maia ujung minggu.

(gambar diambi maia nginti ba marina bay, miri)